Al bòn nusèn

al-s-tàca a fèr a Zógn,

al dè ed San Zvan,

al madurés al sól

un dè dáp cl’èter,

propria cal chèld

quand la campagna

l’è arsìda ch’la pèr brès,

quél per inténdres

ch’al véra in dla tèra dal cherpèd.

Denter in di vès ed véder,

ed frònt al Sól Leòn

taièdi a féti cìni

a-s mét al nós cal fìni,

lasèdi chieti acsè

per pió ed quaranta dè,

al formen cal liquór

ch’a bév anch i dutór.

Tót in descáren bèn,

un pòc a-n fá mèl

gnanch ai putèn,

e a la fèn ‘d ‘na zèna

con i amigh sincér

et tìr fára al nusèn

e t’impés i bicér,

chi cinèn a s’inténd,

perchè al nettare bòn

al dév durèr pió ed ‘na stagion.

I amìgh tót cuntènt

i fàn tànt cumplimènt,

i én tót d’opiniòn

che al nusèn fàt in cá

al sia propria al pió bòn.

A la fèn dla serèda

ognun a-n tós la sô strèda

senza préma aver dét

“ a sperám ed turnèr

   col nusèn a brindèr. “

Il buon nocino

si incomincia a fare a giugno,

il giorno di San Giovanni,

matura al sole

un giorno dopo l'altro,

proprio quel caldo

quando la campagna

è riarsa che sembra una brace,

quello per intendersi

che apre nella terra delle crepe.

Dentro nei vasi di vetro,

di fronte al solleone

tagliate a fette piccole

si mettono le noci quelle fini,

lasciate quiete così

per più di quaranta giorni,

formano quel liquore

che bevono anche i dottori.

Tutti ne parlano bene,

un poco non fa male

neanche ai bambini,

e alla fine di una cena

con gli amici sinceri

tiri fuori il nocino

e riempi i bicchieri,

quei piccoli s'intende,

perchè il nettare buono

deve durare più di una stagione.

Gli amici tutti contenti

fanno tanti complimenti,

sono tutti dell' opinione che

il nocino fatto in casa

sia proprio il più buono.

Alla fine della serata

nessuno prende la sua strada

senza prima aver detto

"speriamo di tornare"

col nocino a Brindare.