( a L’Agriturìsom ed Péri )

Al sól l’è quèsi a l’orizònt,

i culór intóren tót dorê,

con tànt fiór chi incurnìsen l’atmosféra

ed la fèsta ch’a sta per cumincèr.

L’è la sìra ed la Guàza ed San Zvàn ,

al tèvli agl’ én parcèdi con di culór vistós

sáta al bersò ed la végna dal Lambrósch,

al gróp, l’è un móc’ d’amìgh

ch’a-gh piés al tradiziòn e al nusèn bòn.

La fèsta la và avanti in armonia,

al zél al s’è impî ed tanti strél,

un fìl ed vènt al pòrta luntàn

al faléstri dal fógh,

al stréghi al contìnuen a balèr

per fèr i sortilég e al profezìi.

Al nós agl’ én pronti per l’infùs,

al miràcol ed la nòt ed San Zvàn l’è finî,

da dmàn, dènter in di vès ed véder,

dal nós, da l’àlcol e dal sól,

a nasrà cal nèttare, al nusèn,

acsè bòn, ch’al piesrà anch ai putèn.

(dal Agriturismo di Peri)

Il sole è quasi all’orizzonte

I colori intorno sono tutti dorati,

con tanti fiori che incorniciano l’atmosfera

c'è la festa che sta per incominciare.

E’ la sera della Guazza di San Giovanni,

le tavole sono apparecchiate con dei colori vistosi

sotto il bersò della vigna di lambrusco,

il gruppo è un mucchio d’amici

quali piace la tradizione e il nocino buono.

La festa va avanti in armonia,

il cielo si è riempito di tante stelle,

un filo di vento porta lontano

le faville del fuoco,

le streghe continuano a ballare

per fare i sortilegi e le profezie.

Le noci sono pronte per l’infusione,

il miracolo della notte di San Giovanni è finito,

da domani dentro ai vasi di vetro,

dalle noci dall' alcool a dal sole,

nascerà quel nettare, il nocino,

così buono, che piacerà anche ai bambini.