Dû trî dè durànt la stmàna

come a fósen di sculèr,

con i méster ch’i s’inségnen,

la Malmusi a programèr,

andám tót a Spilambért

a zerchèr in dal miòr mòd,

fra i tersènt e pió campiòn,

cal nusèn ch’al vìnz al prémi

ed la nostra tradiziòn.

Mè ch’a sòn fra sti sculèr,

a zérch propria d’imparèr,

l’è tante bèla st’esperiènza

che ormài a-n fàgh pió sènza.

Fra dô ciàcher e un po’ ed nusèn

a pàsa agl’ór e al pàsen bèn,

grazie ed cór a tót i méster,

a se vdrám a S.Valintèn

per premièr al miór nusèn.

Due tre giorni durante la settimana

come fossimo degli scolari,

con i maestri che ci insegnano,

la Malmusi a programmare,

andiamo tutti a Spilamberto

a cercare nel miglior modo,

tra i trecento e più campioni,

il nocino che vince il premio

della nostra tradizione.

Io che sono fra questi scolari,

cerco proprio d'imparare,

è tanto bella questa esperienza

che oramai non ne faccio più senza.

Tra due chiacchiere e un po' di nocino

passano le ore e passano bene,

grazie di cuore a tutti i maestri,

ci vediamo a S.Valentino

per premiare il miglior nocino.